काठमाडौँ । प्रतिनिधिसभा बैठकमा बोलिएको ‘मेन्टल्ली’, ‘फिजिकल्ली’ जस्ता शब्दहरू हटाउन सभामुख अग्निप्रसाद सापकोटाले निर्देशन दिएका छन् । उनले अमर्यदित शब्द भन्दै हटाउन लगाएका हुन् ।

आज प्रतिनिधि सभाको बैठक सुरु भएसँगै प्रमुख प्रतिपक्षी दल नेकपा एमालेका प्रमुख सचेतक विशाल भट्टराईले हिजोको बैठकमा सत्ता पक्षीय एक जना सांसदले अर्को प्रतिपक्षी दलका सांसदलाई अमर्यादित र असंसदीय शब्द बालेको भन्दै संसदको रेकर्डबाट हटाउन माग गरेका थिए ।

बिहीबारको बैठकमा विशेष समय लिएर बोलेका नेकपा (माओवादी केन्द्र)का सांसद मातृका प्रसाद यादवले पूर्व प्रधानमन्त्री केपी शर्मा ओलीप्रति लक्षित गर्दै ‘मेन्टल्ली र फिजिकल्ली’ अस्वस्थ भएकाले मुलुक दुर्घटनातर्फ उन्मुख भएको बताएका थिए ।