काठमाडौँ । नेकपा माओवादी केन्द्रको केन्द्रीय कमिटी बैठकमा अध्यष पुष्पकमल दाहाल ‘प्रचण्ड’ विधान मस्यौदा पेश गरेका छन् । बैठकमा प्रचण्डले पेश गरेको ५२ पेज लामो अन्तरिम विधान–२०७८ पारित भएसँगै पार्टी नयाँ वैधानिक व्यवस्थामा जाने उल्लेख गरिएको छ ।

प्रस्तावित विधान मस्यौदाअनुसार २९९ सदस्यीय केन्द्रीय समिति, उक्त केन्द्रीय समितिले चयन गर्ने पदाधिकारी र केन्द्रीय समितिमा ३५ प्रतिशत महिला अनिवार्य हुने व्यवस्था छ ।

त्यस्तै, सेल कमिटीदेखि केन्द्रीय समितिसम्मको सदस्य संख्यासमेत निर्धारण गरिएको छ । विधान मस्यौदाअनुसार पार्टीको जिल्ला समिति ९९ सदस्यीय, विशेष जिल्ला समिति ६५ सदस्यीय र महानगर समिति ९९ सदस्यीय रहने छन् ।

उपमहानगर समिति ८१, नगर समिति ६५, गाउँ समिति ५५ सदस्यीय रहने छन् भने सबैभन्दा तल्लो तह पार्टी सेल ११ सदस्यीय हुने छन् ।

यो पनि पढ्नुहोस्

कस्तो बन्दैछ अब माओवादी केन्द्र ? (प्रस्तावित विधानसहित)