काठमाडौँ । तालिवानको कब्जामा सत्ता पुगेसँगै अफगानिस्तानको काबुल एयरपोर्टमा भीड बढेको छ । देश छाडेर जाने नागरिकहरू एयरपोर्टमा पुगेसँगै भीड बढेको हो ।

अहिले उक्त एयरपोर्ट अमेरिकी सेनाले नियन्त्रणमा लिएको छ । समाचारमा जनाइएअनुसार एयरपोर्टमा भीड नियन्त्रण गर्न गोली प्रहार भएको छ । उक्त गोली प्रहारमा परी केही अफगानी नागरिकको मृत्यु भएको छ भने केही घाइते भएका छन् ।

अफगानिस्तानमा आफूले कब्जा गरे पनि तालिवानले देशका सबै नागरिकलाई जन धनको सुरक्षा दिने बचन दिँदै आएका छन् । एयरपोर्टमा देश छाड्नेको भीड बढेसँगै अमेरिकी सेनाले गोली प्रहार गरेको हो ।

गोली प्रहार भएसँगै एयरपोर्टमा भाग दौड भएको छ । उता समाचारअनुसार एयरपोर्टमा तालिवानले गोली प्रहार गरेसँगै अमेरिकी सैनिकले गोली प्रहार गरेको जनाइएको छ ।

तालिवाले अफगानिस्तानलाई आफ्नो कब्जामा लिएसँगै राष्ट्रपति, उपराष्ट्रपतिलगायत उच्च अधिकारीले देश छाडेर गइसकेका छन् ।

एयरपोर्टमा सर्वसाधरणको भिड बढेसँगै उक्त क्षेत्र बसपार्क जस्तो भएको छ । एजेन्सी