काठमाडौं । प्रधानमन्त्री शेरवहादुर देउवाले बोलाएको आकस्मिक मन्त्रिपरिषद्को बैठक सकिएकाे छ । प्रधानमन्त्रीको सरकारी निवास बालुवाटारमा मन्त्रिपरिषद्को बैठक बसेको थियो ।

दल विभाजनसँग सम्बन्धि अध्यादेशको तयारीमा जुटेको सरकारले त्यसै विषयमा निर्णय लिएको बताईएको छ । बैठक सकेर मन्त्रीहरु अहिले आ – आफना मन्त्रालयमा समेत पुगिसकेका छन् । तर यस बारेमा कुनै पनि मन्त्रीहरुले मुख खोलेका छैनन ।

तर सरकारले नयाँ दल खोल्न केन्द्रीय समिति वा संसदीय दलमध्ये एउटामा एक चौथाइ अर्थात् २५ प्रतिशत सदस्य भए पुग्ने व्यवस्था सहितको अध्यादेशको निर्णय लिएको बताईएको छ।

आइतबार राति प्रधानमन्त्री निवास बालुवाटारमा बसेको कांग्रेस, माओवादी र एमालेका नेपालसहितको शीर्ष नेताहरूको बैठकले मस्यौदा तयार पारेको र नेता नेपालले पनि सरकारमा सहभागी हुने समेत जानकारी दिएपछि सरकार संसद अधिवेशन अन्त्य गरेर अध्यादेशको तयारीमा लागेको थियो ।

बिहान मन्त्रिपरिषद्को बैठक अगाडी महन्थ ठाकुर, राजेन्द्र महतो र शरदसिंह् भण्डारी पनि बालुवाटार पुगेका थिए ।

एमालेभित्रको घर झगडा विभाजनको तहमा पुगेपछि सरकारले अध्यादेशको तयारी गरेको हो । त्यसैका लागि सोमबार संसदको जारी अधिवेशन अन्त्यको निर्णय सरकारले गरिसकेको छ ।