काठमाडौं । नेकपा एमालेको स्थायी कमिटी बैठक सुरु भएको छ । मंगलबार तुलसीलाल स्मृति प्रतिष्ठान च्यासलमा बसिरहेको एमाले स्थायी कमिटि बैठकमा बामदेव गौतम र वरिष्ठ नेता माधव नेपाल पक्ष भने उपस्थित छैनन् ।

संसदमा साउन ३ गते प्रधानमन्त्री देउवाले विश्वासको मत लिँदा विपक्षमा मतदान गर्न ह्विप जारी गरेपछि गौतमले एमाले अध्यक्ष ओलीविरुद्ध अभिव्यक्ति दिएका थिए । एमाले अध्यक्ष ओलीले सोमबार साँझ नै सरकारले संसद्को जारी अधिवेशन अन्त्य गरेपछि दल विभाजन गर्न सहज हुनेगरी अधयादेश ल्याउने भन्दै त्यसो गरे मान्य नहुने भनेर विज्ञप्ति जारी गरेका थिए ।