काठमाडौँ । अफगानिस्तानको सत्ता पूर्ण रूपमा तालिवानले कब्जा गरिसकेको छ । सत्ता कब्जा गरेसँगै तालिवानले देशभर मुस्लिम धर्मको शरिया कानुन लागु गरेको छ ।

अफगानिस्तानको राजधानी काबुल तालिवानको कब्जा जानुअघि नै राष्ट्रपति अशरफ घानी, उपराष्ट्रपतिसहित सेनाहरूले सहर छाडेर गएका थिए । उनीहरूले आफ्नो हतियारसमेत छाडेर गएका छन् । यससँगै तालिवानका लडाकुहरूले शहरमा मस्ती गरिरहेको भिडिओहरू बाहिर आएका छन् ।

तालिवानका लडाकुहरूले जिम खानादेखि बच्चाहरूलाई खेल्न बनाइएको पार्कहरूमा खेलिरहेको भिडिओ सार्वजनिक भएको हो ।

जिम खानामा तालिवान

राजधानी काबुल पुगेका तालिवानका लडाकुहरू मस्तीमा रहेका छन् । उनीहरूले जे आफ्नो अगाडि आएका छन् ती साधनमा मस्ती गरेको देखिन्छ ।

The Presidential Palace, including its gymnasium, in #Kabul has new tenants. #Afghanistanpic.twitter.com/vl50ojoRQD— Steve Hanke (@steve_hanke) August 17, 2021

उनीहरू जिम खानामा पुगेर कसरत गरिरहेका देखिन्छन् । पूरै जिम खाना खाली हुँदा उनीहरू मात्रै कसरत गरिरहेका हुन् । केही जिम गरिरहेका छन् भने केही भिडियो बनाउँदै गरेको सामाजिक सञ्जालमा देखिएको छ ।

बच्चा खेल्ने पार्कमा मस्ती

तालिवानका लडाकुहरूले बच्चा खेल्ने पार्कमा पसेर मस्ती गरेका छन् । उनीहरू बच्चा खेल्ने खेलौनामा खेलिरहँदा त्यहाँ उपस्थित भएका अन्य हेरेर बसेका थिए ।

बच्चा खेल्ने खेलौना कारमा तालिवानका लडाकुहरू सवार भई मस्ती गरिरहेको भिडियो भाइरल भएको छ । एजेन्सी