काठमाडौ । नेपाली कांग्रेसका महासमिति सदस्य हरिबोल भण्डारीले बाढी प्रभावित सिन्धुपाल्चोकका लागि १ लाख नगदसहित स्वास्थ सामाग्री सहयोग गरेका छन् । उनले सो सामाग्री सिन्धुपाल्चोक कांग्रेसका जिल्ला सभापति विकास लामालाई हस्तान्तरण गरेका हुन् ।

कोरोना महामारीको संक्रमणदर फेरि बढिरहेका बेला उनले पीपीई सेटर, ज्वरो परिक्षण गर्ने मेसिन, मास्क, ग्लोब्स,फेस सिल्डलगायतका स्वास्थ समाग्री सिन्धुपाल्चोक पठाएका छन् ।

त्यस्तै, असार १ गते आएको बाढीका कारण प्रभावितका लागि नगद एक लाख रूपैयाँ पनि भण्डारीले सहयोग गरेका छन् ।

सो स्वास्थ सामाग्री र आर्थीक सहयोग छिटै सम्बन्धित क्षेत्रमा पुर्याउने भन्दै कांग्रेस सभापति लामाले सहयोगका लागि भण्डारीलाई धन्यवाद व्यक्त गरेका छन् । भण्डारीले यसअघि पनि विभिन्न जिल्लामा स्वास्थ्य सामाग्री सहयोग गरेका थिए ।