काठमाडौं । नेकपा एमाले वरिष्ठ नेता माधवकुमार नेपाल पक्षका नेताहरु निर्वाचन आयोगबाट फर्किएका छन् । बुधबार एमालेका नेताहरु राजेन्द्र पाण्डे र रामकुमारी झाँक्री आयोगको कार्यालयमा गएका थिए ।

सरकारले दल विभाजन सम्बन्धि अध्यादेश राष्ट्रपति विद्यादेवी भण्डारीले प्रमाणीकरण गरेपछि उनीहरु आयोगमा छलफलका लागि गएका थिए । एमाले नेपाल पक्षले नयाँ पार्टी गठन गर्न लागेको छ । नेपाल पक्षले गठन गर्ने नयाँ पार्टीको नाम नेकपा एमाले (समाजवादी) र चुनाव चिह्न खुला किताब राख्ने बताइएको छ ।

सरकारले एमाले र जनता समाजवादी पार्टी (जसपा)लाई विभाजन गर्न दलको केन्द्रीय समिति वा संसदीय दलका २० प्रतिशत सदस्यको समर्थन भएमा दल विभाजन गर्न सक्ने गरी राजनीतिक दलसम्बन्धी ऐनलाई संशोधन गर्न अध्यादेश ल्याएको बताइएको छ ।