काठमाडौं । सञ्चार उद्यमी एवं व्यवसायी महेन्द्र शेरचनको कोरोना संक्रमणबाट ६७ वर्षको उमेरमा निधन भएको छ । उनलाई दुई हप्ता अगाडि कोरोना संक्रमण पुष्टि भएको थियो । 

राजधानी न्युज पब्लिकेशनका अध्यक्ष शेरचनको उपचारको क्रममा बलम्बुस्थित नेपाल एपीएफ अस्पतालमा बुधबार साँझ निधन भएको हो ।

नेपाली मिडिया सञ्चालकको छाता संगठन मिडिया सोसाइटीका पूर्वअध्यक्ष एवं मिडिया अलाइन्सको उपाध्यक्ष रहेका शेरचन संविधानसभा सदस्यसमेत भएका थिए ।

बैदेशिक रोजगार व्यवसायी संघका संस्थापक अध्यक्ष शेरचन विज्ञापन बोर्डका सदस्य समेत हुन् ।