काठमाडौं । निर्वाचन आयोगले माधवकुमार नेपाल र महन्थ ठाकुरलाई ९ गतेका लागि बोलाएको छ । नेपाल र ठाकुरले नयाँ दल दर्ता गरेपछि सनाखतको लागि ९ गते बलाएको निर्वाचन आयोगले जनाएको छ ।

लगातार सार्वजनिक बिदा भएकाले नेपाल र ठाकुरको दल सनाखत गर्न ९ गते बुधबारका लागि बोलाएको निर्वाचन आयोगका सहायक प्रवक्ता कोमल प्रसाद धमलाले बताए । यस्तै नेपाल र ठाकुरले शुक्रबार आफ्नो दलको नाम परिवर्तन गरेका छन् ।

कानुनअनुसार कुनै दलको नाम र चुनाव चिन्हसँग मिल्ने दल दर्ता गर्न नपाउने भन्दै आयोगले नेपाल र ठाकुरलाई दलको नाम परवर्तन गर्न भनेको थियो । त्यही अनुसार नेपालले दलको नाम (एकीकृत समाजवादी) प्रस्ताव गरेका छन् भने ठाकुरले लोकतान्त्रिक समाजवादी प्रस्ताव गरेका छन् । माधव नेपालको दलले प्रमाणपत्र नपाएका कारण मन्त्रिपरिषद् विस्तार हुन सकेको छैन ।