काठमाडौँ । नेपाली कांग्रेसको क्रियाशील सदस्यता विवाद समाधान समितिले पार्टी सभापति एवम् प्रधानमन्त्री शेरबहादुर देउवालाई प्रतिवेदन बुझाउने भएको छ । केन्द्रीय सदस्यता छानविन समितिले बुझाएको अपूर्ण प्रतिवेदनमा आधारित भएर बाँकी विवाद टुंग्याउन लागेको हो ।

गत साउन ३० गते पूर्वमहामन्त्री कृष्णप्रसामद सिटौलाको संयोजकत्वमा डा. मिनेन्द्र रिजाल र रमेश लेखकसहित क्रियाशील सदस्यता विवाद समाधान समिति गठन गरिएको थियो ।

उक्त सदस्य रहेको समितिलाई भदौ २ गते क्रियाशील सदस्यता विवरण बुझाउन समय तोकिएको थियो । तर, केन्द्रीय समितिको निर्णयबाट बनेको कार्य तालिकाभन्दा चार दिनपछि समितिले प्रतिवेदन बुझाउन लागेको हो ।

क्रियाशील सदस्यता विवाद समाधान समितिका एक सदस्यका अनुसार आज दिउँसो २ बजे बालुवाटार पुगेर समितिले प्रधानमन्त्री एवम् पार्टी सभापति देउवालाई प्रतिवेदन हस्तान्तरण गर्ने छ ।