काठमाडौँ । उखु उत्पादक किसानहरूलाई भुक्तानी नदिएको भन्दै किसान संगठनले संयुक्त प्रेस विज्ञप्ति जारी गरेको छ । चिनी मिल र अन्य व्यापारीहरूलाई उखु बिक्री गरेको किसानले लामो समयदेखि भुक्तानी नपाएको भन्दै संगठनले विज्ञप्ति निकालेको हो ।

‘अनेक जालझेल र तिकडम गरेर सत्तामा टिकेको विगतको केपी ओली सरकारले उखु किसानहरूले पाउनु पर्ने भुक्तानी तत्काल उपलब्ध गारउने र किसानलाई सडकमा आउनु पर्ने अवस्थाको अन्त्य गर्ने भनेर किसान संगठन र उखु किसानहरूलाई झुठो आश्वासन दियो,’ विज्ञप्तिमा भनिएको छ, ‘तर, आफ्नो बचन पूरा गरेन, किसानहरू जिल्ल परे, परिणमतः आज नेपाली उखु किसानहरूले पुनः उस्तै पीडा भोग्नु परेको छ ।’

संयुक्त विज्ञप्तिमा नेपाल किसान महासंघ (क्रान्तिकारी केन्द्र), अखिल नेपाल किसान महासंघ, अखिल नेपाल किसान महासंघ (अप्फा), अखिल नेपाल किसान महासंघ (क्रान्तिकारी, अखिल नेपाल किसान युनियन र अखिल नेपाल प्रगतिशील किसा संघका प्रमुखहरूले हस्ताक्षर गरी उखु किसानको माग सम्बोनध गर्न आग्रह गरिएको हो ।