काठमाडौँ । जिल्ला प्रहरी कार्यालय चितवनले फरार पक्राउ अप्रेसन अन्तर्गत भदौ ८ गतेदेखि ११ गते सम्ममा ८९ जना फरार प्रतिवादीहरुलाई पक्राउ गरेको छ।

विभिन्न मुद्धामा फरार रहेका ८९ प्रतिवादीहरुलाई जिल्ला प्रहरी कर्यालयले ४ दिनमा पक्राउ गरेको हो ।

प्रहरीका अनुसार चोरी, लागू औषध, बहु बिबाह, बन पैदावार, कीर्ते, जुवा, केही सार्वजनिक अपराध, जालसाजी, सम्बन्ध बिच्छेद,सवारी अंगभंग, सवारी ज्यान लगायतका मुद्दामा सजाए तोकीएका प्रतिवादीहरुलाई ४ दिनमै पक्राउ गरेको हो ।

कैद तथा जरिवाना तोकिई फरार रहेका ८१ जना पुरूष र ८ जना महिला गरी जम्मा ८९ जना फरार व्यक्तिहरूलाई पक्राउ गरी फैसला कार्यान्वयनको लागि जिल्ला अदालतमा बुझाइएको जिल्ला प्रहरी कार्यालय चितवनले जनाएको छ ।