काठमाडौँ । दक्षिण अफ्रिकाका फास्ट बलर डेल स्टायनले अन्तर्राष्ट्रिय क्रिकेटबाट सन्यासको घोषणा गरेका छन् । उनी क्रिकेटको इतिहासमा एक उत्कृष्ट फास्ट बलर हुन् ।

स्टेनले मंगलबार सामाजिक सञ्जालबाट सबै खाले क्रिकेटबाट सन्यास घोषणा गरेका हुन् । ३८ वर्षीय स्टेनले एक विज्ञप्ति निकाल्दै १७ वर्षे क्रिकेट करिअरबाट बिदा लिएका हुन् ।

स्टेनले दक्षिण अफ्रिकाका लागि ९३ टेस्ट, एक सय २५ एक दिवसीय र ४७ टी ट्वान्टी खेलेका छन् । उनले टेस्टमा ४ सय ३९ विकेट लिएका छन् ।

यस्तै, एक दिवसीयमा एक सय ९६ विकेट र ६४ टी ट्वान्टी विकेट लिएका छन् ।