काठमाडौँ । आर्थिक पत्रकार समाज (सेजन) नेतृत्वको उम्मेदवार दिन लागेका ३ जना प्रतिस्पर्धीले आफ्नो चुनावी एजेन्डा प्रस्तुत गरेका छन् । बुधबार उनीहरुले आफ्नो चुनावी एजेनडा सार्वजनीक गरेका हुन् । नेपाल सहकारी पत्रकार समाज (सिजेएन) ले सेजन निर्वाचननको सन्दर्भमा अध्यक्षका उम्मेदावरसँगको छलफलमा उनिहरुले आफ्ना एजेन्डा सार्वजनिक गरेका हुन् ।

सेजनको आगामी शुक्रबार हुने निर्वाचनमा आषिश ज्ञवाली, जनार्दन बराल र शिरोमणि ढुंगानाले अध्यक्षमा उम्मेदवारी दिने घोषणा गरेका छन् ।

अध्यक्षका तीनै जना उम्मेदवारहरुले आर्थिक पत्रकारिताका क्षेत्रमा सशक्त भएर लाग्ने प्रतिवद्धता जनाए । उनीहरुले आर्थिक पत्रकारको क्षमता अभिवृद्धि गर्ने र अर्थतन्त्रका विविध विषयमा बहस चलाउने बताएका छन् ।

अध्यक्षका उम्मेदवार आशिष ज्ञवालीले सञ्चार माध्यममा नवप्रवेशी पत्रकारको अभाव भएको भन्दै आर्थिक पत्रकार जन्माउन आफूले ध्यान दिने बताए । आर्थिक पत्रकारितामा नयाँ कुरा आएकाले सेजनले आर्थिक पक्षका विविध क्षेत्रमा नवप्रववेशी पत्रकारलाई तालिम दिइने उनले बताए ।

अध्यक्षका अर्को उम्मेदवार जनार्दन बरालले साझा धारणा बनाएर अघि बढ्ने बताए । उनले रिर्पोटिङ तथा डेक्समा म्यानपावर अभाव भएको भन्दै तालिम तथा सीप दिएर इन्टरसीपमा पठाउन सकिने बताए । ‘आचारसंहिता कार्यान्वयन गर्न भूमिका खेल्ने उनले बताए । आर्थिक तथा पत्रकारिताका विद्यार्थीलाई पत्रकारितातर्फ आकर्षित गर्न विश्वविद्यालयसँग सहकार्य गरिने उनले बताए ।

अध्यक्षका उम्मेदवार शिरोमणि ढुंगानाले पारदर्शिता र उत्तरदायित्वमा भूमिका खेल्ने बताए । संस्था बलियो र प्रभावकारी बनाउन ध्यान दिइने बताए । ‘अवसरमा विविधता छ, गुणात्मक काममा ध्यान दिनुपर्छ’ उनले भने । सेजनको आगामी शुक्रबार नयाँ कार्य समितिका लागि निर्वाचन हुँदै छ ।