काठमाडौं । सत्ता कब्जा गरेको केही समयपछि अफगानिस्तानमा तालिबानले बिहीबार नयाँ सरकारको घोषणाको तयारी गरेको छ । सत्ता कब्जा गरेको दुई सातापछि तालिवानले नयाँ सरकार घोषणाको तयारी गरेको हो ।

आफगानिस्तानको राजनधानी काबुलस्थित राष्ट्रपति भवनमा नयाँ सरकार घोषणाको तयारी गरिएको तालिबानको वरिष्ठ नेता अहमदुल्लाह मुक्तकीले सामाजिक सञ्जालमार्फत जानकारी दिएका छन् ।

तालिबानका सर्वोच्च नेता मुल्ला हिब्तुल्लाह अखुण्दजादाको नेतृत्वमा एक शासकीय परिषद का गठन हुने तालिबानको एक वरिष्ठ अधिकारीलाई उद्धृत गर्दै समाचार एजेन्सी रोयटर्सले उल्लेख गरेको थियो ।

तालिबानका संस्थापक मुल्ला उमरका छोरा मौलाभी याकूब, हक्कानी नेटवर्कका प्रमुख सिराजुद्दीन हक्कानी र तालिबानका संस्थापक सदस्य मध्य एक अब्दुल गनी बरादर मुल्ला हिब्तुल्लाका उपप्रमुख छन् ।

गत अगस्त १५ मा तालिबानले अफगानिस्तानको राजधानी काबुल कब्जा गरेको थियो । तालिवानले सत्ता कब्जा गरेपछि अमेरिकी सेनाले अफगान छाडिसकेको छ ।

(एजेन्सी)