काठमाडौं । नेपाली कांग्रेसका रामचन्द्र पौडेल पक्षले आफनो पक्षका नेताहरु पार्टी महाधिवशेनमा एकतावद्द रहेको सन्देश दिन पार्टी कार्यालयमा उपस्थिती सहतिको पत्रकार सम्मेलन गरेको जनाएको छ ।

पत्रकार सम्मेलनमा यस अगाडी कृष्णप्रसाद सिटौला पक्षमा रहेका युवा नेता गगन थापा पनि खुलेका छन् ।

बिहिबार पार्टी कार्यालय सानेपामा पत्रकार सम्मेलन गर्दै बरिष्ठ नेता पौडेलले कांग्रेसलाई विधि र पद्दतीका आधारमा चलाउनु पर्ने र त्यसका लागि आफुहरु एक रहेको सन्देश पत्रकार सम्मेलनमा उपस्थित नेताहरुको जमघटले दिईसकेको वताए ।

उनले भने,–‘पार्टीले विधि र पद्धतिको आधारमा कांग्रेस चल्नु पर्छ, आफ्नो पार्टी नै सुरुमा लोकत्रान्तिक हुनुपर्छ ,४ वर्षको अवधिमा महाधिवेशन हुनु पर्थ्यो तर त्यो समयमा भएन , ५ वर्ष ६ महिनाभित्र बल्ल अधिवेशनमा प्रवेश गर्दैछ । ’

तस्वीर : जुली गिरी