काठमाडौं । नेपाली कांग्रेसका युवा नेता गगन थापाले समूह परिवर्तन नगरेको बताएका छन् । थापाले पार्टीको १४औँ महाधिवेशनमा आफूले वरिष्ठ नेता रामचन्द्र पौडेल र पूर्व महामन्त्री कृष्णप्रसाद सिटौलालाई एउटै समूहमा उभ्याउन चाहेको बताए ।

१३ औँ महाधिवेशनपछिको साढे ३ वर्षदेखि रामचन्द्र दाइ र कृष्ण दाइहरुलाई राष्ट्रिय र राजनीतिको अडान लिने कुवामा वा निर्णयका सन्दर्भमा पार्टीभित्रको आन्तरिक अडानका विषयमा एकै ठाउँमा रहेर काम गरेको थापाले बताए ।

“मैले समूह परिवर्तन गरेको होइन्, एउटा समुह बनाउने कोशिस गरेको हुँ’, उनले भने ।

‘मैले यो सहकार्यको वातावरण विगतदेखि नै होस् भन्ने सोचेर अघि बढ्दै आएको हुँ,’ थापाले भने, ‘वरिष्ठ नेता पौडेल, महामन्त्री डा.शशाङ्क कोइराला, पूर्व महामन्त्री प्रकाशमान सिंह र डा. शेखर कोइराला मात्रै होइन, कृष्ण दाइलाई पनि एउटै टिममा राख्ने प्रयास गरेको हो ।’

रामचन्द्र पौडेल र कृष्ण सिटौला एकदमै नजिक भएर काम गरेको थापाले थापाले स्मरण गरे । अधिबेशनमा पनि एकै स्थानमा रहेर अघि बढेको हेर्न आफूले चाहेको थापाले स्पष्ष्ट गरे । आफ्नो ​चाहना पूरा हुने उनको विश्वास छ ।

अहिले प्रधानमन्त्रीले पार्टीको महाधिवेशनका कारण मन्त्रिपरिषद् विस्तार गर्न नभ्याएको भन्दै थापाले पार्टीको अधिवेशनबाट निर्वाचित भएर आएका सभापतिले पार्टीलाई ध्यान दिने कि सरकार चलाउने भनी प्रश्न गरेका थिए ।

अहिले पार्टी सभापतिमा प्रतिस्पर्धा नगर्न पनि थापाले सुझाब दिए । “बीपी कोइरालाको १७ देखि १८ महिनाको सरकार थियो,’, थापाले भने,–‘अहिलेको पार्टी सभापति एवम् प्रधानमन्त्री शेरबहादुर देउवालाई १७ महिना पाउनु भएको छ यो उहाँलाई बीपी बन्ने अवसर पनि हो ।”

आफूलाई महामन्त्रीको टिकट अरुले दिने नभई आफैले लिएको पनि दाबी गरे । “पार्टीका सभापति राख्ने नेताहरुको मलाई महामन्त्री बनाउने प्रस्ताव छ । पार्टीका क्रियाशील साथीहरुसँग भेटघाट गरिरहेको छु । उहाँहरुले पनि मलाई महामन्त्रीमा देख्ने चहना छ,”उनले भने ।

विहीबार पार्टी कार्यायल सानेपामा थापा पौडेल पक्षको पत्रकार सम्मेलनमा उपस्थित भए पनि सिटौला समूहका अन्य नेताहरु अनुपस्थित रहेका थिए ।