काठमाडौँ । माछाले टोक्दा दाङमा एक जनाको मृत्यु भएको छ । अढाई जातको माछाले टोक्दा लमही नगरपालिका १ सुण्डबरी निवासी ४९ वर्षीय खिमबहादुर घर्तीको मृत्यु भएको हो ।

शनिबार दिउँसो घर नजिकैको कुलोमा माछा समातेर मुखले माछाको टाउको टोकेर राखेका थिए । त्यसको केही समयपछि बेहोस भएका घर्तीलाई उपचारका लागि लमही अस्पतालमा पुर्‍याइएको प्रहरीले जानकारी दिए ।

अस्पताल पुर्‍याएसँगै उनलाई डाक्टरले मृत घोषणा गरेका थिए ।