काठमाडौं । संखुवासभा जिल्लाको मादी नगरपालिकामा ६ जनाको हत्या भएको छ । सोमबार बिहान अन्दाजी २ बजेतिर अज्ञात समूहले आएर हत्या गरेको जिल्ला प्रहरी कार्यालय संखुवासभाले जनाएको छ ।

जिल्ला प्रहरी कार्यालय संखुवासभाका अनुसार हत्या हुनेमा संखुवासभा मादी नगरपालिका वडा नम्बर १ बस्ने बर्ष ८४ की पार्वती कार्की, ५२ वर्षीय तेज बहादुर कार्की, ५२ वर्षीय कमला कार्की , ३२ वर्षीय रञ्जना कार्की, ११ वर्षीय दिपेन कार्की र ७ वर्षीय गोमा कार्की रहेका छन् ।

मृतक कार्कीको जेठो छोरा वैदेशिक रोजगारीका लागि मलेशिया, कान्छो छोरा दुबई र कान्छी बुहारी झापामा रहेका छन् ।

घटनाबारे थप अनुसन्धान भइरहेकाे प्रहरीले जनाएको छ ।