काठमाडौं । सरकारले अमेरिकी सहयोग नियोग मिलेनियम च्यालेन्ज कर्पाेरेसन (एमसीसी) परियोजना सदनवाट पारित गर्ने तयारी गरेको समाचार प्रकाशित भईरहदा सत्ता गठवन्धन दलकै तीन विद्यार्थी संगठनले विरोध जनाएको छ । सरकारले जर्वजस्ती एमसीसी परियोजनाका कतिपय विषय संसोधन नगरी जस्ताको तस्तै पारित गरिए प्रतिरोध संर्घषमा उत्रने चेतावनी दिएको छ ।

माओवादी केन्द्र निकटको अखिल (क्रान्तिकारी)का अध्यक्ष रञ्जित तामाड, नेकपा एकीकृत समाजवादी निकटको अखिलका अध्यक्ष सुदेश पराजुली र नेकपा मसाल निकटको अखिल (छैटौ)का अध्यक्ष विमल पाखेरेलले संयुक्त वक्तब्य जारी गदै अमेरिकी साम्राज्यवादी उदेश्य पूरा गर्ने उदेश्यले ल्याईएको एमसीसी परियोजनाले देशको सार्वभौमसत्तामाथी आँच आउने र असंग्लन्न परराष्ट नीतिलाई खण्डित गर्ने उल्लेख गरिएको छ ।
जोरजर्वजस्ती एमसीसी परियोजना अगाडी नबढाउन र त्यसरी अगाडी बढाइएमा कडा प्रतिकार गर्ने र संर्घषलाइ अगाडी बढाउने चेतावनी विधार्थी संगठनका नेताहरुले दिएका छन् ।

काग्रेस नेतृत्वको यो गठबन्धन सरकारमा माओवादी केन्द्र सहभागी भईसकेको छ भने नेकपा एकीकृत समाजवादी जाने तयारीमा छ । नेकपा मसाल निकटको राष्टिय जनमोर्चा भने सरकारलाई साथ दिने तर सरकारमा सहभागी नहुने नीतिमा छ ।