काठमाडौँ । सरकारले जिल्ला प्रशासन कार्यालय काठमाडौँका प्रमुख जिल्ला अधिकारी (सिडिओ)मा गोविन्द रिजाललाई ल्याएको छ । गृह मन्त्रालयले आज काठमाडौँका सिडिओ काली प्रसाद पराजुलीलाई मन्त्रालयमा सरुवा गर्दै रिजाललाई पठाएको हो ।

यसअघि रिजाल गृह मन्त्रालयका प्रशासन महाशाखामा कार्यरत रहेका थिए । उनले यसअघि आधा दर्जनभन्दा बढी जिल्लाहरूको सिडिओको जिम्मेवारीमा काम गरेका थिए । उनले कैलाली, दाङ, रौतहट, मकवानपुरलगायत जिल्लामा काम गरिसकेका छन् ।

विं.सं. २०७२ भदौ ७ गते कैलालीको टीकापुरमा भएको थारुहट आन्दोलनको घटनापछि कैलालीमा लामो समय थारू र पहाडी समुदायबीच आशंकाको अवस्था रहेको थियो । रिजाल कैलालीमा सिडिओ भएर गएपछि दुई समुदायबीच सम्बन्ध सुधारमा ठूलो भूमिका खेलेका थिए ।

उनी जटिल परिस्थितिको सामना गर्न सक्ने कुशल प्रशासकका रुपमा चिनिदै आएका छन् ।

यो पनि पढ्नुहोस् : गृह मन्त्रालयको प्रशासन महाशाखामा खनालको सरुवा