काठमाडौं । नेपाल स्टक एक्सचेञ्जमा आबद्ध कम्पनीको शेयर कारोबार मापक नेप्से परिसूचक कारोबार भएको साताको चौथो दिन पनि ओरालोले लागेको छ । बुधबार अधिकांश कम्पनीको सेयर मूल्य घट्दा कारोबार रकममा पनि कमी आएको हो ।

बुधबारको कारोबारमा नेप्से परिसूचक ६० दशमबल दशमलब २ अंकले घटेर २८७६ दशमलब ५९ अंकमा रोकिएको छ । यो अघिल्लो दिनको तुलनामा २ दशमलब ४ प्रतिशतले कमी हो ।

बुधबार कूल २ सय २५ कम्पनीको ७४ हजार ८ सय ९० कारोबारबाट ६ अर्ब ६४ करोड ६६ लाख २३ हजार ४ सय २७ रुपैयाँ बराबरको १ करोड ६१ लाख ४८ हजार ६ सय ५२ कित्ता शेयर किनबेच भएको नेपाल स्टक एक्सचेञ्जले जनाएको छ ।

एक्सचेञ्जका अनुसार बुधबारको कारोबारमा ३८ वटा मात्रै कम्पनीको शेयर मूल्य बढेको छ भने १ सय ७८ वटा कम्पनीको शेयर मूल्य घटेको छ । साथै ९ वटा कम्पनीको शेयर मूल्यस्थिर रहेको छ । उपसमूहतर्फ सबै कम्पनीमा गिरावट देखिएको छ ।

बुधबारको कारोबारमा सानिमा लाइफ इन्स्योरेन्स कम्पनीको सेयर मूल्यमा सकारात्मक सर्किट लागेको छ भने एक्सल डेभलपमेन्ट बैंक, राइराङ हाइड्रोपावर डेभलपमेन्ट, युनिभर्सल पावर कम्पनी, स्वरोजगार लघुवित्त वित्त विकास बैंकलगायतका कम्पनीको सेयर मूल्य बढेको छ ।