काठमाडौं । प्रहरीको केन्द्रीय अनुसन्धान ब्यूरो (सिआईबी)ले बैंकिङ कसुर मुद्दाका फरार प्रतिवादीलाई पक्राउ गरेको छ ।

उच्च अदालत पाटनको २०७७ फागुन ११ गते र २०७८ वैशाख ८ गतेको फैसलाले ७ दिन कैद र ११ लाख जरिवाना सुनाएका काठमाडौं महानगरपालकिा-१० घर भइ हालगोकर्णेश्वर नगरपालिका-५ नयाँबस्ती बस्दै आएका ४२ वर्षीय उमेश लामालाई पक्राउ गरेको हो ।

पक्राउ परेका लामाले पीडितलाई आफ्नो खातामा पर्याप्त मौज्दात रकम नभएको भन्‍ने जानी जानी झुक्याएर कृषि विकास बैंकको चेक आफ्नो खाताबाट भुक्तान हुने गरी दिएका थिए । उनलाई महाराजगञ्जबाट खटिएको प्रहरीले लामालाई नयाँबस्ती जोरपाटीबाट पक्राउ गरेको हो ।

पक्राउ परेका उनलाई फैसला कार्यान्वयनको लागि काठमाडौं जिल्ला अदालतमा पेश गरिएको ब्युरोका प्रवक्ता प्रहरी उपरिक्षक (एसपी) श्याम कुमार महतोले जानकारी दिए ।