काठमाडौं । प्रमुख प्रतिपक्षी दल नेकपा एमालेको बिरोधकैबीच प्रनिधिनिसभाको बैठकबाट तीन अध्यादेश पारित भएको छ ।

बिरोधकैबीच सभामुख अग्निप्रसाद सापकोटाले अघि बढाएको दोस्रो बठकमा अर्थमन्त्री जनार्दन शर्माले आर्थिक अध्यादेश २०७८, राष्ट्र ऋण उठाउने अध्यादेश २०७८ र विनियोजन अध्यादेश २०७८ पेश गरेका थिए ।

प्रतिनिधिसभाको शुक्रबार बसेको दोस्रो बैठकले ‘आर्थिक अध्यादेश २०७८’, ‘राष्ट्र ऋण उठाउने अध्यादेश २०७८’ र ‘विनियोजन अध्यादेश २०७८’ लाई स्वीकृत गरेको हो । बिरोधकैबीच पेश भएका तीन अध्यादेश प्रतिनिधिसभामा बहुमतले पारित गरिएको छ ।

अर्थमन्त्री शर्माले पेश गरेका ती अध्यादेशहरु अस्वीकृत गरियोस् भनी नेपाल मजदुर किसान पार्टीका सांसद प्रेम सुवालले माग गरे । सभामुखले बोल्ने समय दिए पनि प्रतिपक्षी दलको बिरोध भइरहेकाले रोष्टममा गएर बोल्न पाउनु पर्ने माग सांसद सुवालले दोहोर्याए ।

रोष्टममा जान नपाएपछि उनले अध्यादेश पेश गरेनन् । त्यसपछि सभामुखले अध्यादेश फिर्ता लिन सुवाललाई समय दिए । उनले सवालजवाफ गरे– सभामुख महोदय, मैले अध्यादेश नै प्रस्तुत गरेको छैन, कसरी फिर्ता लिनु ?

सभामुख सापकोटाले सांसद सुवालको कुरा सुनेनन्, बरु सांसद सुवालको प्रस्तावमा हुन्छ र हुन्न भन्ने ध्वनिमततर्फ लागे । र, अस्वीकृत भएको घोषणा गरेका थिए ।

एमाले बिरोका कारण पहिलो पटक १५ मिनेट स्थगित भएर शुरु गरिएको दोस्रो वैठकमा पनि एमालेले नाराबाजी कायमै राखेका थिए । तर एमालेको बिरोधलले सभामुखलाई छेकेन ।

सांसदले रोष्टम घेराउ गर्दै निरन्तर नाराबाजी जारी राखे, सभामुख सापकोटाले बैठक चलाइरहे । तीन वटा अध्यादेश पारित भएपछि पुनः १५ मिनेका लागि बैठक स्थगित गरियो ।

याे पनि पढ्नुस् ः

प्रतिस्थापन विधेयकमार्फत् सरकारले आजै नयाँ बजेट ल्याउने