काठमाडौँ । पुरानो बानेश्वरस्थित मातृका आँखा अस्पतालमा ‘बम’ राखेर फिरौती माग्ने तीन जना काठमाडौँ र धादिङबाट पक्राउ परेका छन् ।

महानगरीय प्रहरी परिसर काठमाडौंको टोलीले धादिङका दुई युवा र रोल्पा घर भएका एकजना युवालाई पक्राउ गरेको हो ।

पक्राउ परेका उनीहरुलाई दिउँसो पत्रकार सम्मेलन गरेर सार्वजनिक गरिने तयारी गरिएको छ । ३ जना युवाहरुले भदौ २५ मा मातृका आँखा अस्पतालमा बम राखेर अस्पतालमा सञ्चालक किशोर प्रधानसँग ३ करोड फिरौती मागेका थिए । प्रहरीले उनीहरुलाई सोही अभियेगमा पक्राउ गरेको थियो ।

मातृका आई सेन्टरको तेस्रो तलास्थित शौचालयमा बम फेला परेको थियो । फेला परेको बम सेनाको टोलीले निस्क्रिय बनाएको थियो ।