काठमाडौं । नेपाल स्टक एक्सचेञ्जमा आबद्ध कम्पनीको शेयर कारोबार मापक नेप्से परिसूचकमा ठूलो अंकले सुधार आएको छ ।

साताको पहिलो दिन आइतबार नेप्से वृद्धिका कारण लगानीकर्ता खुसी देखिएका छन् । नेप्से परिसूचक ७१.४३ अंकले बढेर २९४७.४२ बिन्दुमा पुगेको स्टक एक्सचेञ्जले जनाएको छ ।

स्टक एक्सचेञ्जका अनुसार आइतबार कारोबार भएका कूल २३१ कम्पनीको ९६ हजार ५ सय ९१ कम्पनीको ९ अर्ब ४४ करोड ३५ हजार २ सय ४४ रुपैयाँ बराबरको १ करोड ७१ लाख ३ सय ३३ कित्ता शेयर किनबेच भए ।

आइतबार १८९ कम्पनीको सेयर मूल्य बढेको छ भने २९ वटा कम्पनीको सेयर मूल्य घटेको छ । साथै १३ वटा कम्पनीको सेयर मूल्य स्थिर रहेको स्टक एक्सचेञ्जको तत्थ्यांकमा उल्लेख छ ।

आइतबार म्यूचुअल फण्ड उपसुचक बाहेक अरु सबै उपसूचकमा बढेको छ ।