काठमाडौं । माधव नेपाल नेतृत्वको नेकपा एकीकृत समाजवादीले बाग्मति प्रदेशमा दल नेता चयन गरेको छ। नेता राजेन्द्र पाण्डेलाइृ सर्वसम्मत दलको नेता चयन गरेको उक्त पाटीृले जनाएको छ ।
नेकपा एमाले विभाजन हुँदा १३ सांसदले एकीकृत समाजवादी रोजेका छन् ।

संसदीय दलको बैठकले मुख्यमन्त्री अष्ट्रलक्ष्मी शाक्यलाइृ समर्थन नगर्ने निर्णय पनि गरेको छ ।

आफ्नो पार्टीको समर्थन मुख्यमन्त्री शाक्यलाई नरहेको जानकारी प्रदेश संसद सचिवालयमा दिने निर्णय पनि नेकपा एकीकृत समाजवादीको बैठकले गरेको छ ।

प्रदेश सभामा पाण्डे आफै अहिले मुख्यमन्त्रीको दावेदार हुन् । कांग्रेसका इन्द्र बानियाँ पनि मुख्यमन्त्री बन्न लागिपरेका छन् । कांग्रेस र एकीकृत समाजवादी मध्ये एकले त्यहाँ गठवन्धनको तर्फबाट मुख्यमन्त्री पाउनेछन् ।

नेकपा एकीकृत समाजवादीले समर्थन नरहेको जानकारी प्रदेश सभा सचिवालयमा गर्ने वित्तिकै मुख्यमन्त्री शाक्य अल्पमतमा परेकी छिन् । एमाले विभाजन हुँदा माधवकुमार नेपाल समूह छाडेर एमालेमै बसेकी उनी २ भदौमा मुख्यमन्त्री बनेकी थिइन् ।