काठमाडौँ । भारतमा कोरोना भाइरस (कोभिड–१९)बाट दैनिक संक्रमितको संख्या घटेको छ । पछिल्लो समय दैनिक २५ हजार मात्रै कोरोना संक्रमित भेटिएका छन् ।

सरकारी अधिकारीहरूले मंगलबार बिहान दिएको जानकारीअनुसार पछिल्लो २४ घण्टामा २५ हजार ४०४ जना नयाँ संक्रमित थपिएका हुन् । भारतमा पछिल्ला केही दिनदेखि दैनिक संक्रमितको संख्यामा कमी हुँदै आएको छ ।

केन्द्रीय स्वास्थ्य मन्त्रालयले सोमबार बिहान सार्वजनिक गरेको विवरणअनुसार भारतमा पछिल्लो २४ घण्टामा २७ हजार २५४ जना नयाँ संक्रमित थपिएका थिए ।

यस्तै, आइतबार सार्वजनिक गरिएको विवरणमा २८ हजार ५९१ जना र शनिबार ३३ हजार ३७६ जना संक्रमित थपिएका थिए ।

पछिल्लो २४ घण्टामा भारतमा कोरोनाबाट ३३९ जनाको मृत्यु भएको केन्द्रीय स्वास्थ्य मन्त्रालयले जनाएको छ ।