काठमाडौँ । संविधान सभाबाट संविधान जारी गरेको ६ वर्ष पूरा भएको अवसरमा विशेष समारोह आयोजना गरिएको छ । २०७२ असोज ३ गते संविधान जारी भएको अवसरमा हरेक वर्ष राष्ट्रिय दिवस मनाउँदै आएको हो ।

यस अवसरमा आज टुँडिखेलमा विशेष समारोह आयोजना गरिएको थियो । समारोहमा राष्ट्रपति विद्यादेवी भण्डारी, प्रधानमन्त्री शेरबहादुर देउवा, प्रधानन्यायाधीश चोलेन्द्र शमशेर, सभामुख अग्नि सापकोटा, राष्ट्रियसभा अध्यक्ष गणेशप्रसाद तिमिल्सिना, मन्त्री, सांसद, कर्मचारी, सुरक्षा अंगका प्रमुखलगायत सहभागी रहेका छन् ।