काठमाडौँ । नेकपा एमालेका अध्यक्ष केपी शर्मा ओलीले सर्वोच्च अदालतमा दायर गरेको रिट हेर्न नभ्याइनेमा राखिएको छ । ओलीले तत्कालीन एमालेका १४ जना सांसदलाई गरेको कारबाही नगरेको भन्दै सभामुख अग्नि सापकोटा, निर्वाचन आयोगविरूद्ध रिट निवेदन दिएका थिए ।

ओलीले पार्टीले कारबाही गरेका सांसदहरूलाई संसदले सदर गर्नु पर्नेमा उनीहरूको समावेशमा नयाँ पार्टी खोल्न बाटो खुलाएको भन्दै रिट निवेदन दिएका थिए । सभामुख सापकोटा र निर्वाचन आयोगलगायतलाई विपक्षी बनाई दिएको रिट पुनः भोलिको लागि सारेको हो ।

न्यायाधीशहरू दीपककुमार कार्की र कुमार चुडालको इजलासमा बहस भइरहेको छ । वकिलको बहस नसकिएपछि आजको सुनुवाई भोलिका लागि सारिएको हो ।

एकीकृत समाजवादीका वकिल र रिट निवेदक पक्षका वकिलको बहस बाँकी रहेकाले भोलिका लागि सरेको हो ।

एमालेले नेकपा एकीकृत समाजवादीका अध्यक्ष माधवकुमार नेपालसहित १४ सांसदलाई कारबाही गरेको सूचना सभामुखलाई दिएको थियो ।