काठमाडौँ । नेपाली कांग्रेसको पदाधिकारी बैठक बस्दै छ । बैठक बुधबार दिउँसो तीन बजे पार्टी सभापति शेर बहादुर देउवाको निजी निवास बुढानीलकण्ठमा बस्ने भएको छ ।

बैठकमा सरकारमा सहभागी हुने मन्त्रीको नाम टुंगो लगाउने र आसन्न महाधिविशेनबारे छलफल हुने जनाइएको छ । मंगलबार बसेको सत्ता गठबन्धनको बैठकले कांग्रेस नेता डा. नारायण खड्कालाई परराष्ट्रमन्त्री बनाउने निर्णय गरेको थियो ।

उनलाई आज पद तथा गोपनीयताको शपथ खुवाउने तयारी छ । २९ असारमा प्रधानमन्त्री नियुक्त भएका देउवाले मन्त्रिपरिषद्लाई पूर्णता दिन सकेका छैन्न ।