काठमाडौँ । नेपाली कांग्रेसका नेता प्रकाशमान सिंहले आजदेखि सुरु हुने गाउँपालिका–नगरपालिकाका अधिवेशनको पूर्ण सफलताको शुभकामना दिएका छन् । उनले पार्टीभित्रको आन्तरिक प्रतिस्पर्धालाई मित्रवत रूपमा अघि बढाउन समेत अपिल गरे ।

साथै, उनले पार्टी रुपान्तरणका लागि नेतृत्व परिवर्तन महत्त्वपूर्ण भएकाले स्थानीय तहबाटै यसको सुरुवात हुन जरुरी रहेको बताए ।

‘नेता छनोटमा विशेष ध्यान दिई पार्टीलाई संस्थागत रुपमा अगाडि बढाउन सक्ने, जनतामाझ भिज्न सक्ने, नागरिकमा केही गर्छ भन्ने विश्वास जगाउन सक्ने, भिजन सहितको नेतृत्व चयन गर्दछु,’ उनले भने ।

उनले निर्धारित मितिमा नै महाधिवेशन सम्पन्न गर्नुको विकल्प नभएको बताए ।