काठमाडौं । सरकारले गोरखापत्र संस्थानको कार्यकारी अध्यक्षमा पत्रकार विष्णुप्रसाद सुवेदीलाई नियुक्त गरेको छ ।

सोमबार बसेको मन्त्रिपरिषद बैठकले सुवेदीलाई कार्यकारी अध्यक्षमा नियुक्त गरेको सरकारका प्रवक्ता ज्ञानेन्द्रबहादुर कार्कीले जानकारी दिए ।

गुल्मी घर भएका सुवेदी अन्नपूर्ण पोष्टमा कार्यरत थिए । यसअघि केपी ओली नेतृत्वको सरकारले नियुक्त गरेका कार्यकारी अध्यक्ष कृष्णमुरारी भण्डारीले राजिनामा दिएपछि संस्थानको कार्यकारी अध्यक्ष रिक्त रहेको थियो ।