काठमाडौँ । देशको ठूलो इन्टरनेट सेवा प्रदायक वल्ड्रलिंकले ‘दसैँको बहार, डबल उपहार’ ल्याएको छ । यो अफरअन्तर्गत कम्पनीले ग्राहकका लागि पुरानै मूल्यमा दोब्बर स्पिडको इन्टरनेट प्याकेज घोषणा गरेको छ ।

वार्षिक प्याकेज खरिद गर्दा निः शुल्क जडानसहित करिब २० हजार मूल्य पर्ने सेवा–सुविधा उपलब्ध गराउने कम्पनीले जनाएको छ । यसअन्तर्गत ग्राहकले नेटटिभी सब्स्क्रिप्सन, सेटटप बक्स, डुअल ब्यान्ड राउटर, फाइबर केबल, वाइफाई रोमिङ र नेटटिभी प्राइम सब्स्क्रिप्सन प्राप्त गर्ने छन् ।

कम्पनीले २० एमबीपीएसको इन्टरनेट प्याकेजको ४० रुपैयाँमा इन्टरनेट दिने भएको छ । यस्तै, ३० एमबीपीएसको इन्टरनेटमा ६० रुपैयाँ ४० को ८० र ५० एमबीपीएसको इन्टरनेट प्याकेजको १ सय रुपैयाँमा दिने भएको छ ।

अब ग्राहकले मासिक केवल एक हजार एक सय रुपैयाँमै ४० एमबीपीएस गतिको इन्टरनेट प्याकेज पाउने छन् । यसमा एउटा नेटटिभीसमेत निः शुल्क उपलब्ध हुनेछ । यसका लागि प्रयोगकर्ताले एक वर्षको प्याकेज लिनु पर्नेछ ।

६ महिनाको सब्सक्रिप्सन लिन चाहने ग्राहकले पनि यो अफरमा सहभागिता जनाउन सक्ने छन् । जसका लागि ग्राहकले मासिक एक हजार १५० रुपैयाँ तिर्दा एउटा नेटटिभीसहित ४० एमबीपीएस गतिको इन्टरनेट प्राप्त गर्ने छन् ।

त्यस्तै, कम्पनीले वार्षिक सब्सक्रिप्सन लिने ग्राहकका लागि मासिक एक हजार २ सय रुपैयाँमै दुई वटा नेटटिभीसहितको ६० एमबीपीएस इन्टरनेट प्याकेज ल्याएको छ । यही प्याकेज ६ महिने अवधिका लागि खरिद गर्ने ग्राहकलाई भने मासिक एक हजार ४ सय ३४ रुपैयाँ पर्ने छ ।

वार्षिक प्याकेज लिँदा मासिक एक हजार ४ सय रुपैयाँमै दुई वटा नेटटिभीसहित वल्ड्रलिंकको ८० एमबीपीएस इन्टरनेट प्याकेज प्राप्त गर्न सकिने छ । ६ महिनाको सब्सक्रिप्सन लिँदा ग्राहकले दश हजार १ सय रुपैयाँ तिर्नु पर्ने हुन्छ ।

ग्राहकले वार्षिक प्याकेज लिँदा मासिक एक हजार ६ सय रुपैयाँमै तीन वटा नेटटिभीसहित वल्ड्रलिंकको सय एमबीपीएस इन्टरनेट प्याकेज प्राप्त गर्न सक्ने छन् । यो प्याकेजअन्तर्गत ६ महिनाको सब्सक्रिप्सन लिँदा ग्राहकले ११ हजार ५ सय रुपैयाँ तिर्नु पर्ने आफ्नो वेभसाइटमा जनाएको छ ।