काठमाडौं । पटका भण्डारण गरेको आरोपमा एक जना पक्राउ परेका छन् । महानगरीय अपराध महाशाखाले शनिबार राति सर्लाही रामनगर गाउँपालिका–१ घर भइ काठमाडौं कागेश्वरी मनहरा नगरपालिका वडा नम्बर ८ गोठाटार बस्ने ३० वर्षीय कामेश्वरप्रसाद यादवलाई पक्राउ गरेको हो ।

यादव कागेश्वरी मनोहरामा कवाडी पसल सञ्चालन गर्दै आएका थिए । त्यही गोदामबाट दुई हजार १७ किलो पटाका बरामद गरेको प्रहरीले जनाएको छ । यादवले पटकपटक ल्याएर गोदाममा पटाका भण्डारण गर्दै आएका थिए ।

बरामद पटाका करिब २५ लाख रुपैयाँ बराबर रहेको प्रहरीले जनाएको छ । उनीमाथि प्रहरीले मुलुकी अपराधसंहिता २०७४ को परिच्छेद ७ को बिस्फोटक पदार्थ सम्बन्धी कसुर अन्तर्गत अनुसन्धान गर्न कारवाहीको लागि महानगरीय प्रहरी परिसर टेकु काठमाडौं पठाएको छ ।