काठमाडौं । नेपाल राष्ट्र बैंकले भारत जानका लागि भारतीय रकम अर्थात भारतीय नोट सटहीको लागि नेपाल राष्ट्र बैंकमा सम्पर्क राख्न आग्रह गरेको छ ।

सोमबार सूचना प्रकाशित गर्दै नेपाल राष्ट्र बैंकका विदेशी विनिमय व्यवस्थापन विभागका निर्देशक रामु पौडेलले निजी बैंकले भारतीय रकममा मनोमानी गरेकाले नियन्त्रणका लागि एकद्वार प्रणाली लागू गरेको जनाएका छन् ।

उनले विद्यार्थी, बिरामी, घुम्न जानेका लागि भारतीय रकम उपलब्ध गराएपनि पछिल्लो समय बैंकिङ प्रणालीद्वारा अघि बढ्न सर्वसाधारणलाई आग्रह समेत गरेका छन् ।

निर्देशक पौडेलले नेपालका अधिकांश बैंकले भारतिय बैंकसँग रकम झिक्न र राख्नका लागि सम्झौता तथा प्राविधिक एकता गरेकाले नजिकैको बैंकबाट जानकारी दिए ।

भारतीय रकममा असहजता नहुने प्रष्टाएका छन् । नेपालमा २५ हजार भारतीय रुपैयाँसम्म बोेकेर हिँड्न पाइएपनि भारत जानका लागि भारतीय रकम अभावका कारण सर्वसाधारण मारमा परेको प्रष्ट छ ।

राष्ट्र बैंकले भारतीय रकम व्यवस्थापन गर्नका लागि डलर बिक्री गरेर खरिद गरिरहेको छ ।