काठमाडौँ । अमेरिकामा ठूलो मात्रामा पेट्रोलियम पदार्थ तेल चुहावट भएको छ । दक्षिणी राज्य क्यालिफोर्नियाको अरेञ्ज काउण्टी क्षेत्रको समुद्री किनारमा तेल चुहावट भएको हो ।

तेल चुहावटबाट समुन्द्रको माछा तथा सयौँ प्रकारका पंक्षीका मृत्यु भएको समाचारमा जनाइएको छ । तेल चुहावटबाट करिब १८ वर्ग किलोमिटर क्षेत्रमा प्रभाव परेको छ ।

हाल प्रभावित क्षेत्रमा सफाईको काम सुरू भएको छ । अमेरिकी अधिकारीहरूका अनुसार यस घटनाले पर्यावरणमा ठूलो नोक्सान ल्याएको छ ।

हंण्टिगटनका मेयर किम क्यारका अनुसार प्रशान्त महासागरमा करिब तीन हजार ब्यारेल तेल चुहावट भएको हो । उनले घटनाका बारेमा अनुसन्धान सुरू भएको जानकारी दिएका छन् ।

एम्प्लिफाई एनर्जीका सिइओ मार्टिन विल्शरले अहिले तेलको पूरै पाइपलाइन बन्द गरिएको छ । अहिले कहाँबाट तेल चुहावट भएको भन्नेबारेमा जाँच भइरहेको उनले जानकारी दिए ।

केही दिनअघि मात्रै बेलायमा पेट्रोलिय पदार्थ तेलको हाहाकार भएको थियो । जसले पूरै देशमा ठूलो मात्रामा आर्थिक समस्या देखा परेको समाचार बाहिर आएको थियो । एजेन्सी