काठमाडौँ । सरकारले नयाँ मदिरा उद्योगको अनुमति दिएसँगै नयाँ मदिराका ब्राण्ड बजारमा आएका छन् । स्वदेशी ब्राण्डले उपभोक्ताको चाहना बमोजिमको गुणस्तर र स्वादअनुसार उत्पादन सुरु भएसँगै विदेशी रक्सीका ब्राण्डहरू विस्थापनको तयारीमा छन् ।

नेपालमा ह्विस्की, बियर, वाइन, रम, भोड्का, जिनलगायत सबै प्रकारको मदिरा उत्पादन हुँदै आएका छन् । यसका साथै नेपालमा विभिन्न कम्पनीले अन्तर्राष्ट्रिय स्तरका महँगा रक्सीका ब्राण्डहरू उत्पादन गर्दै आइरहेका छन् ।

करोडौँ लगानी गरेर स्वदेशी ब्राण्डलाई अन्तर्राष्ट्रिय स्तरको बनाउन कम्पनीहरूले नयाँ नयाँ मदिराको उत्पादन सुरु गरेका हुन । हाल एउटा कम्पनीले एकपछि अर्को मदिराको ब्राण्ड बजारमा ल्याएको छ ।

हेटौँडा मकवानपुरस्थित फिनिक्स डिस्टिलरीले प्रालिले हालसम्म नेपालकै उत्कृष्ट ह्विस्की उत्पादन गरिरहेको छ । कम्पनीका अनुसार अघिल्लो हप्ता रातो बोतलमा नयाँ उत्पादन बजारमा ल्याएको हो ।

यी ह्विस्की अन्तर्राष्ट्रिय स्तरको भएको उत्पादन हुन । हालमा बजारमा विस्तारै यसको माग बढ्दै आएको कम्पनी बताउँछ ।