काठमाडौं । माधव नेपाल नेतृत्वको नेपाल कम्युनिष्ट पार्टी (एकीकृत समाजवादी)को बागमती प्रदेश कमिटी गठन भएको छ ।

मंगलबार सम्पन्न प्रदेश भेलाले २३१ सदस्यीय बागमती प्रदेश कमिटी गठन गरेको हो । भेलाबाट प्रादेशिक इन्चार्ज/सहइन्चार्ज, पदाधिकारीसहितको १७ सदस्यीय सचिवालय पनि गठन गरिएको छ ।

उक्त कार्यक्रममा पार्टीका उपाध्यक्ष राजेन्द्र पाण्डेले कमिटीका सदस्यलाई शपथ गराएका छन् ।

भेलामा इन्चार्ज केदार न्यौपानेले कार्ययोजनासम्बन्धी विषय प्रस्तुत गरेका थिए भने स्थायी समिति सदस्य जीवनराम श्रेष्ठले कार्यविभाजनसम्बन्धी विषय प्रस्तुत गरेका थिए ।

भेलामा प्रदेशभित्र सञ्चालन गरिने राजनीतिक गतिविधि, कार्य विभाजन तथा आवश्यकताअनुसारको जिम्मेवारी प्रदान गर्नेबारेमा छलफल भएको थियो ।