काठमाडौं । नेपालका सन्दीप लामिछाने पुरुषतर्फको आईसीसी प्लेअर अफ दी मन्थको मनोनयनमा परेका छन् ।

आईसीसीले बुधबार सार्वजनिक गरेको सेप्टेम्बर महिनाको मनोनयनमा नेपालका सन्दीप लामिछाने परेका हुन् ।

सन्दीपले ओमानमा भएको क्रिकेट विश्वकप लिग २ अन्तर्गत त्रिकोणात्मक सिरिजमा उत्कृष्ट प्रदर्शन गरेका थिए ।

उनले ओमानमा भएको खेलमा ६ खेल खेल्दै १८ विकेट लिएका थिए । सन्दीपसँगै अमेरिकाका जसकरण मलहोत्रा र बंगलादेशका नसुम अहमद पनि सेप्टेम्बर महिनाको आईसी प्लेयर अफ दी मन्थको मनोनयमा परेका छन् ।