काठमाडौँ । उद्योग वाणिज्य तथा आपूर्ति मन्त्री गजेन्द्रबहादुर हमालले राजीनामा दिने जानएका छन् । प्रधानन्यायाधीश चोलेन्द्र शमशेर जबराको कोटाबाट मन्त्री बनेको आरोप खेप्दै आएका हमालले प्रधानमन्त्री शेरबहादुर देउवासमक्ष राजीनामा बुझाउने घोषणा गहरेका हुन् ।

सरकारका नवनियुक्त मन्त्री हमालले आज प्रधानमन्त्री देउवालाई राजीनामा बुझाउने बताएका छन् ।

उनले भने, ‘मैले राजीनामा बुझाएको छु । मैले आफ्नो स्वविवेक प्रयोग गरेँ । त्यत्तिकै विवादमा किन पर्ने ? साथीहरु राजीनामा नदिन भनेका छन् । म राजीनामा दिन्छु । मैले प्रधानमन्त्रीलाई राजीनामाको जानकारी दिइसकेको छु । आज राजीनामा बुझाउँछु ।’

उनले प्रधानमन्त्री देउवालाई राजीनामा स्वीकृत गराउन बाध्य पार्न आफूले मिडियामा राजीनामा दिन लागेको जानकारी गराएको बताएका छन् ।