काठमाडौँ । बुटवलको मोतीपुर औद्योगिक क्षेत्रमा गोली प्रहार हुँदा ३ जनाको मृत्यु भएको छ । घटनामा ३१ जना घाइते भएका छन् ।

गोली लागेर घाइते भएकाहरूलाई भैरहवा मेडिकल कलेज लैजाने क्रममा मृत्यु भएको प्रहरीले जनाएको छ । मृतकको पहिचान खुल्न सकेको छैन । घाइतेमध्ये एक जनाको अवस्था गम्भीर रहेको छ ।

घाइते ५ जना प्रहरी र ५ जना सर्वसाधारणको उपचार भइरहेको छ । प्रहरीका अनुसार घटनामा १५ जना सर्वसाधारण र १६ जना प्रहरी घटनामा घाइते भएका छन् ।

आइतबार बिहानदेखि मोतीपुर औद्योगिक क्षेत्रमा​ सुकुम्बासी भनिएकाहरू र प्रहरीबीच झडप भएको थियो । दिउँसो अवस्था नियन्त्रणबाहिर गएपछि स्थानीय प्रशासनले अर्को सूचना नआउँदासम्म कफ्र्यू लगाउने घोषणा गरेको थियो ।

हाल घटना भएको क्षेत्रमा बाक्लो संख्यामा नेपाल प्रहरी तथा सशस्त्र प्रहरी खटाइएको छ ।