काठमाडौँ । चिर्पट प्रहार गरी जेठी आमाको हत्या गर्ने युवा पक्राउ परेका छन् । गुल्मीको रेसुङ्गा नगरपालिका १३ दुविचौरका २५ वर्षीय प्रकाश बिकले आफ्नी जेठी आमा ६० वर्षीया पार्वती बिकलाई आइतबार साँझ चिर्पट प्रहार गरी हत्या गरेको प्रहरीले जनाएको छ ।

जिल्ला प्रहरी कार्यालयका अनुसार हत्या अभियोगी बिकलाई हिजो नै पक्राउ गरी हिरासतमा राखिएको छ । उनले मदिरा सेवन गरेका युवा र जेठी आमाबीच सामान्य विवाद भएको थियो ।

आवेगमा जेठी आमालाई चिर्पटले हान्दै हत्या गरेका थिए । दिनहुँ मदिरा सेवन गर्ने बिककी श्रीमतीले सम्बन्धविच्छेद गरेर बसेकी छन् ।