काठमाडौँ । कालिकोटको महावै गाउँपालिकामा दुई दिनको अविरल वर्षाका कारण घर भत्किँदा एक जनाको मृत्यु भएको छ । गाउँपालिकाको ७ नम्बर वडाको राम्नीमा विष्णुलाल अधिकारीको घर भत्किँदा सुतिरहेकी उनकी १८ वर्षीया छोरी स्मृति अधिकारीको मृत्यु भएको जनाइएको छ ।

उनकी अर्की छोरी १५ वर्षीया इनिशा अधिकारी घाइते भएकी छन् । वर्षाका कारण राम्नी गाउँका १५ घर उच्च जोखिममा छन् ।

जोखिम बढेपछि गएरातिदेखि उक्त बस्तीका बासिन्दा राम माध्यमिक विद्यालयमा बस्दै आएको स्थानीय दुर्गाप्रसाद काफ्लेले बताए ।