नेपाली राजदुतलाई मोदीले दिएनन बिदाइ भेट, सोनियाँसँग भने भयो भेट

काठमाडौं । भारतका लागि नेपालको राजदुत बनी नयाँ दिल्ली पुगेका निलम्बर आचार्य आज स्वदेश फर्किदैछन् । उनलाई कांग्रेस, माओवादी, एकीक्ृत समाजवादी र जनतासमाजवादीको गठबन्धन सरकारले गत मिहना फिर्ता बोलाउने निर्णय गरेपछि उनी आज स्वदेश फर्किन लागेका हुन् ।

उनलाई केपी ओली नेतृत्वको सरकारले भारतका लागि नेपाली राजदुत नियुक्त गदै नयाँ दिल्ली पठाएको थियो । त्यहाँ उनले अढाई वर्षको अवधि बिताएका थिए ।

सरकारले राजनीतिक नियुक्तिका आधारमा नियुक्त सवै देशका राजदुतलाई फिर्ता बोलाउने एकमुष्ठ निर्णय गरेपछि राजदुत आचार्य पनि फिर्ता बोलाइने राजदुतमा परेका हुन् । उनले आफनो विदाईका लागि भारतीय सत्ता पक्षका शीर्ष नेताहरुसँग भेट गरेर फर्किने अनबरत प्रयास गरेपनि त्यो सफल हुन नसकेको दिल्ल्ीस्थित नेपाली राजदुताबासले जनाएको छ ।

आचार्यले भारतीय प्रधानमन्त्री नरेन्द्र मोदी, विदेशमन्त्री एस जयशंकर, रक्षामन्त्री राजनाथ सिंह, गृहमन्त्री अमित शाह लगायतसँग बिदाइ भेटका लागि समय माग गरेका थिए । तर, राजदुत आचार्यलाई यसमध्येका कुनै पनि नेताले भेटका लागि समय दिएनन । राजदूत आचार्यले विदेश राज्यमन्त्री भी मुरलीधरण र विदेश सचिव हर्ष वर्धन श्रृंगलासँग मात्र विदाई भेट गर्न पाएका थिए । विदेश सचिवले भने आचार्यलाई दिवा भोज नै दिएका थिए । सत्तारुढ भारतीय जनता पार्टी तर्फ भने विदेश विभाग प्रमुख विजय चौथाइवाले र राम माधवलाई भेटेका थिए ।

राजदुत आचार्य भारतमा नेपाली राजदुत भएपनि उनले विदेश सचिव भन्दा माथिल्लो तहमा प्राय यो अढाई वर्षका वीचमा पनि भेट गर्न मुश्किलले पाउथे । नेपालमा आएका भारतीय राजदुतले नेपालका जो कोही शीर्ष राजनीतिक नेता, सरकारका प्रतिनिधीलाई भेटन सहज पाएपनि नेपाली राजदुतले भने भारतीय सत्तापक्षका शीर्ष नेतालाई भेटनै नपाई विदेश सचिवसम्ममै खुम्चिनु परेको थियो । आचार्यले पनि विदेश सचिवभन्दा माथिल्लो तहमा नेपालको राजनीतिक सम्वन्ध विस्तार गर्ने र भेटघाट गर्ने अवसर त्यक्ति पाउन नसकेको चर्चा दिल्लीस्थित नेपाली राजदुताबासमा हुने गरेको छ ।

त्यसो त राजदुत आचार्यले दिल्ली बसाईका क्रममा खास त्यक्ति प्रभावकारी भूमिका खेल्न नसकेको आरोप लाग्दै आएको थियो ।

सत्ता पक्षका शीर्ष नेताले राजदुत आचार्यलाई विदाई भेट नदिएपनि विपक्षी कांग्रेस आईका शीर्ष नेताले भने उनीसँग विदाई भेट गरेका छन् । राजदुत आचार्यले कांग्रेस आईका
प्रमुख नेता सोनिया गान्धीसँग उनकै निवासमा हिजो मंगलवार भेटवार्ता गरेका छन् । दुई जनाबीच एक्ला एक्लै भएको भेटमा दुई देशको सम्बन्ध बारे चर्चा भएको राजदूत अचार्यले ट्विट मार्फत जानकारी दिएका छन् । यसअघि उनले विपक्षी दलकै नेता राहुल गान्धीसँग पनि भेट गरेका थिए ।