काठमाडौँ । गत आइतबारदेखि परेको अविरल वर्षाका कारण पुगेको जनधनको क्षतिको अवलोकन गर्न प्रधानमन्त्री शेरबहादुर देउवा सुदूरपश्चिम प्रदेशमा रहेका छन् । बिहीबार सुदूरपश्चिम पुगेका उनी आज काठमाडौँ फर्किने भएका छन् ।

अविरल वर्षासँगै आएको बाढी पहिरो तथा डुबानबाट पुगेको क्षतिको अवलोकन गरी काठमाडौँ फर्किनुअघि प्रधानमन्त्री देउवाले कञ्चनपुरमा सञ्चारकर्मीसँग कुरा गरेका थिए । यस क्रममा उनले सबै पीडित नागरिकलाई सरकारले राहत दिने घोषणा गरेका थिए ।

‘प्रत्यक्ष हेरेर वास्तविकता देख्यौँ, काठमाडौँ पुगेर केही न केही व्यवस्था गर्छौँ,’ पत्रकारसँग प्रधानमन्त्री देउवाले भने, ‘यहाँ आउनुअघि केही राहत घोषणा गरिसकेका छौँ, यहाँबाट गएपछि थप केही गर्छौं, राहतको दुरगामी योजना ल्याउँछौँ, तत्काल र दीर्घकालीन कार्यक्रम ल्याउँछौँ ।’

फोटो : रासस