काठमाडौं । नेकपा एमालेले मधेसका दुई नेतालाई पार्टी केन्द्रीय सदस्यमा मनोनित गरेको छ ।

शुक्रबार बसेको पार्टी स्थायी कमिटी बैठकले रौतहटका कुन्दन कुसवाह र बाराका मोहम्मद समीरलाई केन्द्रीय सदस्यमा मनोनयन गर्ने निर्णय गरेको पार्टी प्रवक्ता प्रदीप ज्ञवालीले जानकारी दिए ।

माओवादीबाट एमालेमा गएमा प्रभु साहको सिफरिसमा दुई नेतालाई केन्द्रीय सदस्य मनोनित गरिएको स्रोतको भनाई छ । यद्यपि दुई नेतालाई केन्द्रीय सदस्य मनोनित गरेपछि अर्का नेता भीम रावलले भने तीब्र असन्तुष्टी जनाएका छन् ।

पार्टीको पछिल्लो निर्णयप्रति असन्तुष्टी जनाउँदै रावलले १० बुँदे कार्यान्वयन सहजीकरण गर्न बनाएको कार्यदलको संयोजकबाटै राजीनामा दिएका छन् ।

पार्टीभित्र विभिन्न स्वार्थ गाँसिएका नेताहरुको रडाकोसँगै पार्टीमा फेरि खैलाबैला मच्चिएको छ ।

‘जुन हाम्रो १० बूँदे सहमति थियो, अपानी १२ थियो । त्यो अपानी १२ ले १० प्रतिशत केन्द्रीय सदस्यहरुको मनोनयन गर्ने र तत्सम्बन्धमा कार्य दलले गृहकार्य गर्ने भनेर निर्णय गरेको थियो’, नेता भीम रावलले भने, ‘त्यतातर्फ कुनै ध्यान नदिने तर उहाँले २ जना केन्द्रिय सदस्य मनोनयन गर्ने प्रभु साहको समस्या समाधान गर्ने भन्ने कुरा ल्याउनु भएकाले त्यसप्रति पनि मेरो विमति छ ।’

पार्टीको अपानी पद्धति, प्रक्रिया र निर्णय विपरित भएकाले आफूले फरक मत राखेको नेता रावलले बताए ।

पार्टीमा पुनः विवाद चर्किएपछि कात्तिक १२ गते एमालेले केन्द्रीय समितिको बैठक बोलाएको छ ।

सम्बन्धित समाचारः

एमालेमा विवाद बल्झियो, भीम रावलले दिए राजीनामा

स्थानीय अधिवेशनबारे एमालेको ८ बुँदे निर्देशन (परिपत्रसहित)

एमालेले भन्योः महाधिवेशनको तयारी शुरु भयो