काठमाडौँ । नेकपा एमालेले दुई नेतालाई केन्द्रीय सदस्यमा थप गरेको छ । शुक्रबार बसेको स्थायी कमिटी बैठकले एकता प्रक्रियामा सामेल भएका दुई नेतालाई केन्द्रीय सदस्यमा मनोनयन गरेको हो ।

केन्द्रीय सदस्यमा थप भएका नेताहरूमा कुन्दन कुशवाह (रौतहट) र मोहम्मद समीर (बारा) रहेका छन् । एमालेका प्रवक्ता प्रदीपकुमार ज्ञवालीका अनुसार
नेकपा माओवादी केन्द्रमा रहेका उनीहरूलाई पार्टीको केन्द्रीय सदस्यमा मनोनित गरेको हो ।

उनीहरु माओवादी केन्द्रबाट एमालेमा गएका नेता प्रभु साहनिकट रहेको जनाइएको छ । यसैबीच एमालेको दशौँ राष्ट्रिय महाधिवेशनको पूर्वसन्ध्यामा शनिबार मुलुकभर वडास्तर र यही कात्तिक ९ गते सबै पालिकास्तरमा अधिवेशन गर्ने कार्य तालिका रहेको छ ।