काठमाडौँ । प्रधानमन्त्री शेरबहादुर देउवा बाढीले पुर्‍याएको क्षति अवलोकन गर्न पूर्वी नेपाल जाँदैछन् । प्रधानमन्त्रीसहितको टोली आज नेपाली सेनाको हेलिकप्टरबाट पूर्वी नेपालको अवलोकन गर्न जान लागेको हो ।

यसअघि देउवाले सुदूरपश्चिम क्षेत्रमा बाढीले पुर्‍याएको क्षति अवलोकन गरेर फर्किएका थिए । प्रधानमन्त्री देउवाले सुनसरी, मोरङ, इलाम, पाँचथर लगायत जिल्लामा बाढी र पहिरोले पुर्याएको क्षतिको अवस्थाबारे बुझ्ने र निरीक्षण गर्ने कार्यक्रम रहेको प्रधानमन्त्रीको सचिवालय जनाएको छ ।

प्रधानमन्त्रीसँग सञ्चार तथा सूचना प्रविधिमन्त्री ज्ञानेन्द्रबहादुर कार्की, ऊर्जामन्त्री पम्फा भुसाल, स्वास्थ्य राज्यमन्त्री भवानीप्रसाद खापुङ लगायत जाने बताइएको छ । प्रधानमन्त्रीसहितको टोली आज नै काठमाडौं फर्किने कार्यक्रम छ ।